سوق العمل | معامل التحاليل الطبية - الحلقة رقم 1

هنبدأ مع بعض اول حلقاتنا بالحديث عن مجال من مجالات عمل الصيدلي

هو مجال التحاليل الطبية

لحد وقت قريب كان دايما اي حد عاوز يشتغل في مجال التحاليل الطبية بيضطر يرفع قضية ضد وزارة الصحة لمنحه ترخيص مزاولة مهنة التحاليل الطبية

لكن مؤخرا حصل اتفاق بين نقابة الصيادلة و الادارة المركزية للمؤسسات الحكومية و التراخيص الطبية للتفاصيل اضغط هنا

و بالتالي متوقع يكون فيه سهولة في الاجراءات اكتر من قبل كده

طيب لو فيه حد بيشاور نفسه دلوقتي انه يغير ويجرب مجال التحاليل الطبية يعمل ايه ؟؟؟؟؟

الخطوة الأولى

لازم يكون معاك مؤهل علمي مناسب بمعنى (دبلوم - ماجستير - دكتوراة)
فيما يخص تخصصات التحاليل الطبية في المجالات الآتية :

1- ميكروبيولوجي
2- الكيمياء الحيوية biochemistry
3- المناعة (ودي للدحيحة قوي واللي غاويين مذاكرة :) )

طيب بعد ما عرفنا ايه التخصصات اللي هندرس فيها هتفرق يعني اللي معاه تخصص واحد من دول ؟

أيوة هتفرق في الشغل اللي هيبقى محدد لك في الرخصة

يعني اللي معاه ميكرو بس هتفرق

يفتح معمل عشان يعمل فيه اليورن والاستول والسيمن والمزارع وبس

ولو جاتلك وزارة الصحه ولقتك بتعمل تحليل سكر مثلا او عندك جهاز كيميا او اى شىء من هذا القبيل هتقفلهولك وش …. وقفا كمان

طيب أخذت البيو و الميكرو
يعنى تشتغل فيه كل حاجه خاصه بالتحاليل الطبية ماعدا الباثولوجى

ودي مش هتفرق معاك كثير قوي لا نها محتاجة تجهيزات وامكانيات عالية جدا فلو احتجتها قوي ممكن تتعامل مع اي معمل ثاني وتعملها عنده

كده عرفنا الفرق بين التخصصات

هنحتاج نعرف نحضر فييييييييين بقى ؟؟؟

By